یہ پروگرام کس کیلئے ہے؟

TIBIR کی پیشکش ان گھرانوں کیلئے ہے جن کے بچے 3 – 12 سال کی عمر میں ہوں اور بچوں میں رویّے کے مسائل پیدا ہو چکے ہوں یا پیدا ہونے کا خطرہ ہو۔

یہ پروگرام بلدیاتی اداروں کے ذریعے مہیا کیا جاتا ہے جیسے ہیلتھ سٹیشن، تعلیم کیلئے نفسیاتی سروس(PPT)، ادارہ تحفظ بچگان اور چھوٹے بچوں کے نگہداشتی مرکز (بارنے ہاگے) اور سکول۔  اس وقت ملک کی 357 بلدیات میں سے 115 بلدیات میں TIBIRدستیاب ہے۔

اس پروگرام کا مقصد کیا ہے؟

TIBIRکا مقصد ابتدائی مرحلے میں ہی رویّے کے مسائل کی روک تھام کرنا اور اصلاح کرنا ہے نیز بچوں میں مثبت اور پروسوشل (معاشرے کیلئے دوستانہ اور سازگار) رویّہ بڑھانے میں مدد دینا ہے۔

نیز ایک مقصد یہ بھی ہے کہ پیشہ ور کارکنوں کو یہ اجتماعی شعور حاصل ہو کہ رویّے کے مسائل کس طرح پیدا ہوتے ہیں  اور ان مسائل کی روک تھام یا علاج کس طرح ممکن ہے۔ 

TIBIR میں کیا شامل ہے؟

مجموعی طور پر اس پروگرام میں ان گھرانوں کیلئے چھ پیشکشیں ہیں جن میں 3 سے 12 سال عمر کے بچوں میں رویّے کے مسائل پیدا ہونے کا خطرہ ہو یا مسائل پیدا ہو چکے ہوں:

•  رویّے کے مسائل کی ابتدا یا مسائل کی موجودگی کا پتہ چلانے کیلئے جائزہ۔
•  والدین کیلئے رہنمائی جو ان والدین کو دی جاتی ہے جن کے بچوں میں رویّے کے مسائل پیدا ہونےکا خطرہ ہو۔
• PMTO والدین کے گروپ – ان بچوں کے والدین کیلئے PMTO کے ساتھ ایک گروپ پروگرام ہے جن میں رویّے کے مسائل پیدا ہونے کا خطرہ ہو یا مسائل پیدا ہو چکے ہوں۔
• PMTO – ان بچوں کے والدین کیلئے علاج کا پروگرام جو رویّے کے مسائل رکھتے ہیں۔
•  بارنے ہاگے اور سکول کے عملے کیلئے مشورہ/بات چیت جو رویّے کے مسائل میں مبتلا بچوں کے ساتھ کام کں۔
• سوشل صلاحیتوں کی تربیت جو ڈائریکٹ ان بچوں کو دی جاتی ہے جن میں رویّے کے معیّنہ مسائل واضح ہوں۔